Илан руу аялсан жаргалтай өдрүүд

Сая нэг мундаг залуугийн блог уншаад тэмдэглэл бичих сэдэл төрчихлөө. Би чинь бичээгүй олон зүйл толгойдоо хадгалаад л яваад байгаа хүн шүү дээ :P Гэхдээ шинэ соргог байгаа дээрээ энэ амралтын өдрийн зугаалгынхаа талаар бичнэ ээ.

Өнгөрсөн амралтын өдрүүдээр Тайваний арлын зүүн эрэг, тэр дундаа зүүн хойд эрэгт байрлах Илан (Yilan) руу яваад ирлээ.

Өнгөрсөн жил Тайваньд ирэхдээ л аялах, бүх гоё газруудыг нь үзэх бодолтой, төлөвлөгөөтэй ирсэн хөөн би, кк. Тэрийгээ ч чадах хэмжээндээ хэрэгжүүлээд Тайванийг бараг тойрчихсоон. Өнгөрсөн жил би Тайпейгийн, болон Тайпей орчмын очихыг хүсэж байсан газрууддаа очсон. Бас Miaoli, Taichung, Tainan, Kaohsiung, Taitung, Green Island, Hualien яваад үзчихсэн. Тэгээд ер нь Yilan үлдээд байсан юм. Гэхдээ очих ёстой газрууд бас бий, хамгийн их очмоор байгаа нь Alishan байна, эхний ээлжинд.

За тэгээд, зуны амралтаас ирэнгүүтээ хэсэг хугацаанд "амарч" байгаад, нэг газар руу явж үзчихээд, хичээлдээ анхаарна гэж бодож байсан юм аа кк. Шууд хичээл биш, амралт, аялал бас хэрэгтэй гэж байгаа :P

Нэг хоёр хоноод гоё газар үзээд ирэх талаар байж, судлаж уншаад, ер нь Илан явья гээд бодчихсон байсан юм оо. Тэгээд Yilan-д болох Host family program-ийн талаар олж мэдээд, бүртгүүлээд, тэрний үр дүнг бас хүлээгээд, хүлээх хоорондоо явчих гээд л явчих гээд л байсан боловч хүлээсэн нь оносон байна лээ. Ингээд "Чинбат ахын охин" Заяа бид хоёр 2016 оны 10 сарын 15 ны өглөө эртлэн аялалдаа гарсан бөлгөө. Host family program-д оролцож Yilan-ий Luodong-д очиж Host family-тэй болж тодорхой хөтөлбөрийн дагуу нэг өдрийн арга хэмжээнд оролцох, тэгээд нэг хоноод маргааш нь аялах гэсэн төлөвлөгөөтэй. Гэхдээ яг тэнд энд очино гэх аялалын төлөвлөгөө байхгүй, бүүр хостел, хонох газар ч захиалаагүй, аль боломжтой, гоё газруудад очих, тэгээд өөрсдийнхөө дураар, хүслээр тухай бүрт нь шийдвэр гаргаад адал явдалтай явна гэсэн л санаа зорилготой хаха.

Ингээд Заяа бид хоёр Тайпейгаас автобусаар 8 өнгөрч байхад гараад, Luodong-д 9 жаахан өнгөрөөгөөд, Host family хөтөлбөр эхлэхээс бараг 2 цагийн өмнө ирчихэв ээ. Тэр хооронд яаж зүгээр байхав, Loudong Forestry Culture Garden орж үзээд, замдаа Иланы алдартай сонгинотой бин авч идсээн.

Тэгээд 11 цагт Хост гэр бүлийн хөтөлбөр эхлээд, тэнд бас хоёр Монгол, олон өөр орны хүмүүстэй уулзаад танилцаад ёстой хөгжилтэй байсаан.
Хост гэр бүлийн хөтөлбөр нь Тайваний Боловсролын яамнаас хэрэгжүүлдэг, гадаад оюутнуудыг Тайваний соёл, ахуй амьдралтай илүү ойроос танилцах боломж олгодог хөтөлбөр. Бас их мундаг аа, хост болох хүсэлтэй гэр бүлүүдийг бүртгээд тэр хүмүүстэй сургалт явуулдаг, бараг 2 жил сургалтанд хамрагдаж байж хост гэр бүл нтр болдог, их нарийн. Тэгээд бас олон төрөл бий, нэг өдрийн танилцаад өнгөрөх арга хэмжээ бий, бас хэдэн өдөр, ялангуяа үндэсний баяр ёслолын үеэр хамт байрлаж амьдрах боломжтой хөтөлбөрүүд бий. Тухайн тохиолдолоосоо шалтгаалаад янз бүрийн газар, янз бүрийн арга хэмжээтэйгээр зарлагддаг их гоё хөтөлбөр өө. Би өнгөрсөн жил Цагаан сараан Тайнанд Тайвань айлд очиж 4 хоносон. Тайваньчууд цагаан сар хэрхэн тэмдэглэдэгтэй танилцсан :)

Энэ удаагийн хост фэмили хөтөлбөрийн дагуу бид нар host family болох гэр бүлүүдтэйгээ уулзаад, хамт өдрийн хоол идээд, тэгээд яг тухайн газрын алдартай, бас үндэсний амттан болох "Самартай зайрмаган ороомог"(peanut ice cream roll) хийгээд. Бас нэг хийд, дээр үеийн угаалгын газар үзээд, тэгээд дараа нь өөрсдийнхөө сэтгэгдлийг яриад дууссан.

Энэ үеэр олон гоё хүмүүстэй уулзсан. Нутгийн хүмүүсийн хэлж байгаагаар, Иланд ихэвчлэн настай хүмүүс байдаг, залуучууд нь ийшээ тийшээ ажиллах, сурахаар явчихсан, хүн ам нь насжиж байгаа гэсэн. Гэхдээ энэ хүн амын насжилтын асуудал зөвхөн Иланы ч биш Тайваний асуудал болж байгаа л даа.

Манай хост аав, хост дүү. Хамгийн азтай нь Заяа бид хоёрын болон энэ Хятад охины хост гэр бүлээр энэ гэр бүл хуваарилагдсан байсан. Азтай гэдэг нь ихэнх гэр бүл өөр Шинжү, Тайпэй гэх мэт газраас ирсэн байхал ганц Иланаас оролцож байгаа гэр бүл нь эднийх байсан. Манай хост аав бид хоёрт хонох гоё зочид буудал олж өгөөд, бас тийшээ хүргэж өгөөд, маргааш нь бүр далайн эрэг рүү машинаараа хүргэж өгсөн. :)

Мөн бид нарын очсон газрын хүмүүс нь дандаа хөгшчүүд, бид нарын хоолыг зөөж өгөөд л, үйлчлээд л, ёстой хөөрхөн байсан. Тэгээд, нээх хөөрхөөн, ер нь л хөөрхөн, нээх хичээгээд л, бид нарыг зочлоод л. Харахаас л хайр хүрээд байсан. Бас нэг цоглог эмгэн байсан, тэр бүлгэмийнхээ дарга нь гээд. Дуу шуутай, шаламгай бас хөөрхөн bossy ккк.

Бас нэг "эгч"-тэй таарсан, туранхай, лаг залуу хүүхэн шиг нүдээ нээх тод өнгөөр будчихсан хаха. Тэгээд 60 настай, тэрийгээ надад гайхуулаад, "Би 60тай гэхдээ тэгж харагдахгүй байгааз дээ" гээд л ккк, Тэрийгээ гайхуулах гээд, бичиг баримтаа хүртэл надад үзүүлээд. Хөөрхөн. Кк, гэхдээ л 60тай гэж харагдахгүй, за сайндаа л 50 хүрч байгаа байх гэмээр "эгч" байсаан.

За тэгээд тэр нутгийн хүмүүс найрсаг, ёстой сайхан хүмүүс байсан. Бас энэ хөтөлбөрт оролцохоор ирсэн, энд тэндэхийн оюутнуудтай танилцсаан. Заяа бид хоёр тэндээс 2 монгол "олсон" бас.

Тэгээд хөтөлбөрийн дундуур хост аав маань бид хоёрт шинэ, бас гоё, дээрээс нь хямдхан зочид буудал олоод, хөтөлбөрийн дараа хүргэж өгөөд, бид хоёрын бүүр их жаргал эхэлсэн юм аа гэж :D.

 За тэр зочид буудлын сайхныг үгээр хэлэх юм биш, оюутны байрны надад бол үлгэрийн ороон, хаха.

Тэгээд бид хоёр зочид буудалдаа орчихоод, хэсэг амарч утсаа цэнэглэж байгаад, алдартай Luodong шөнийн зах явж хоол идсээн. Замдаа нэг хөөрхөн хямдхан дэлгүүр ороод, ижилхэн палааж авч аальгүйтээд, ккк, тэгээд нөгөө сайхан өрөөндөө орж ирж ус цасанд орж сайхан амарсан бөлгөө.

Тэгтэл ид шид болж миний дуртай хоёр кино дараалаад гардаг байна шүү, тв-ээр ккк. Үнэн одтой азтай хөөрхөн байсааан :)

Ингээд өглөө нь сайхан унтаж амраад, өглөөний цайгаа уучихаад, Suao порт, Neipi эрэг рүү явахаар шийдэв ээ. Тэгтэл бас л ид шид болж хост аав маань холбогдоод, "далайн эрэг хүргээд өгье" гэв. Хүргүүлээгүй бол далайн эрэг ортол бараг 2 цаг автобусаар явах байв.

Нээрээ Иланд скүүтэр түрээслэхгүй бол нийтийн тээвэр тийм ч амар биш, Тайпей шиг биш, хүмүүс нь дандаа машин, унаатай, газрууд нь хол хол зайтай. Гэхдээ бид хоёр ямар скүүтэр унаж чадах биш.

За тэгээд Neipi beach дээр хэсэг аальгүйтэж, тоглож, хэвтэж байгаад, Wai'ao beach явахаар шийдлээ. Гэхдээ шууд ч явчихгүй Suao port-ийг нэгжээстэй. Тэр хавиархыг сонирхоостой. Замаараа амьд хөгжмийн тоглолттой таараад.

Нэйпи эрэг

Портоос автобусанд суугаад, Suao галт тэрэгний буудал ороод, тэндээсээ гарт тэргээр Wai'ao beach орсон. Яг нар жаргаж байгаа гоё үед очоод, хэсэг тоглож аальгүйтэж, усанд гүйж байгаад харанхуй болгосон доо.

Woai beach

Woai beach

Бас нэг зүйл л аальгүйтэж байж, утсаа давалгаанд явуулах шахаад кк. Гэхдээ миний хөөрхөн утас зүгээр байна лээ, бас л ид шидийн хүчээр :P

Бас тэнд хар морьтой ханхүү байсан.Эрт ирсэн бол параглайдинг хийх боломжтой юм байна лээ.

Ингээд шөнө болж, шинийн 15-ы сар ч гарж, сар гэснээс, далайн эрэг дээр байсан чинь хүмүүс бид хоёрт үнэгүй хоол өгсөн ш дээ нээрээ, гэхдээ эхний далайн эрэг дээр л дээ.
Эднийхэн бас их сүсэг бишрэлтэй, нөгөө шинийн 15 гэх мэт өдрүүдээрээ бас буян хийдгийм шиг байгаан. Буян хийж байсан будаатай нь таараад, бас идчихсээн кк. Май май гээд өгөөд байхаар яаж авахгүй байхын :P

Ингээд Wai'ao-гоос алхаад, автобус олдохгүй, зам дагаж алхсаар байгаад тэр хавьдаа л ганцхан зоогийн газар олоод, тэндээ хоол идээд, такси дуудаж автобусны буудал олоод, тэгээд Тайпейдаа ирсээн. Ингээд бид хоёрын гоё аялал өндөрлөсөн юм.

Энэ аялалаар их сайхан хүмүүстэй таарч, сайхан яваад, таарсан хүмүүс болгон "Hen piaoliang"(хятадаар хөөрхөн гэж байгаан) гээд л, дандаа найрсаг сайхан хандаад л. Бас хятад хэл сурчихмаар юм байна лээ, ингээд тэнээд байвал хаха. Хятадаар бараг ярьдаг болоод ирсэн ш дээ :P


Т. Энхбаяр
2016.10.18
Тайвань, Тайпей