Сүүлийн бараг 3 долоо хоногийн ихэнхд нь хаврын ч юм уу нэг синдромд бас өртөөд, ямарч идэвхгүй, хүсэлгүй, яах гээд юу хүсээд байгаа нь мэдэгдэхгүй бас байнга ядрах мэдрэмжтэй яваад байлөөө.
Тэгээд өнөөдрөөс буюу өчигдөрийн сайхан лекцээс бас оройны 7-оос өглөөний 7 хүртэл бүтэн 12 цаг үнэхээр сайхан унтаж амарсны дараа хэвийн "happy life"даа эргэн орж байна :)
Би энэ семестер албан ёсны 5 хичээлтэй, албан ёсны бус Хятад хэлийг оруулаад 7 хичээлтэй байгаан. Албан ёсны хичээлийн маань нэг нь "Хэрэгцээний үнэлгээ" (Needs assessment) л даа. Хаха, ямар тэнэг орчуулчихав аа. За ямартай ч, байгууллага болон ажилтнуудад ямар хэрэгцээ байгааг олж мэдэхэд зориулагдсан хичээл юм аа. Жишээ нь, миний ажлын гүйцэтгэл сайн биш байгаад байлаа гэж бодьё. Тэгвэл менежер, хүний нөөцийн ажилтан яагаад миний гүйцэтгэл сайн биш байгааг олж мэдэхийг хичээх, ажлаа хийхэд маань ямар ур чадвар, мэдлэг дутаад байгааг олж тогтоох, олж тогтоосныхоо дараа сургалт ч юмуу, ямар нэг байдлаар намайг хөгжүүлэх арга хэмжээ авахад чиглэсэн хичээл. Товчхондоо иймэрхүү, гэхдээ зөвхөн ажлын гүйцэтгэлээр хязгаарлагдахгүй л дээ. Байгууллагын ирээдүйн өөрчлөлт, бүтцийн шинэчлэл гэх мэт маш олон тохиолдолд, хэрэгцээний анализыг хэрхэн хийх, хийх аргуудын талаар, бас юуг анхаарах ёстой талаар сурч байгаан, энэ хичээлээр.
Өчигдөр, энэ хичээлийн хүрээнд манайд TSMC буюу Taiwan Semiconductor Manufacturing Company- ий Learning&Development хэлтсийн дарга Филиф Си (Philip Hsi) ирж илтгэл тавьсан юм. Илтгэл ч гэж, компани нь Needs assessment-аа хэрхэн хийдэг талаар болон өөрийнхөө туршлагаас хуваалцаж, бид нарын асуултанд хариулсан юм.
Компани нь бол Тайваний нэрийн хуудас болсон том компани. Хагас дамжуулагч чип үйлдвэрлэлээрээ ДЭЛХИЙД эхний гуравт ордог. Гол өрсөлдөгчид нь Самсунг(Samsung) бас Интел (Intel). Гар утас, нөтбүүк гэх мэтийн эд ангийг хийдэг, ерөнхийдөө Hitech компани. Тэгээд нэг сонирхолтой зүйл хэлэхэд Apple-ийн Iphone авах гэж байгаа хүмүүсээс TSMC-ийн чиптэйг авах уу, Самсунгийн чиптэйг авах уу гэж асуудаг. Хүмүүс ихэвчлэн TSMC-ийн чиптэйг авах гээд хүлээх тохиолдол байдаг гэж сонч байсан юм байна.
Дээрээс нь өрсөлдөгч нар нь өөрийнх нь хийсэн чипийг хэрэглэдэг. Жишээ нь Самсунг гар утас болон өөрийнхөө бүтээгдэхүүн үйлдвэрлэлдээ TSMC-ийн болон Интелийн бүтээгдэхүүнийг хэрэглэдэг. Тиймээс энэ компаний мэдээллийн аюулгүй байдал, маш нарийн өндөр хамгаалалттай байдаг гэсэн. Жишээ нь ажил дээрээ "тэнэг утас" барьдаг, өөрийххөө ухаалаг утсаа машиндаа үлдээдэг, ажил дээр нь флаш (usb storage) хэрэглэдэггүй. Зураг авбал тэр зургийг хэн, хэзээ авсан нь тодорхой байдаг. Нөтбүүк авч явах, авчрах хориотой. Яг л гаалиар гардаг шиг орох гарах бүрдээ төхөөрөмжөөр шалгуулдаг гэсэн.
Мөн энэ мэдээллийн аюулгүй байдал, хамгаалалт нь хэрэглэгч нар нь бүтээгдэхүүнийг нь худалдаж авах гол шалгууруудын нэг болдог гэнэ лээ.
Энэ хүн өөрөө бас их сонирхолтой хөөөн. 1987 онд Хөдөө аж ахуйн механик (Agriculture Machinery)мэргэжлээр Тайваний үндэсний их сургуулийг (NTU) мастер зэрэгтэй төгсөөд, тэгээд Сургалтын туслах ажилтан (Training assistant)-аар ажилд орсон. Тэгээд л хүний нөөцийн салбар луу орчихсон, 29 жил энэ салбарт ажиллаж байгаа хүн билээ.
Тэгээд өнөөдөр би тэр хүн юу юу ярьсан талаар биш, зүгээр л хамгийн сүүлд миний асуултанд хариулахдаа хэлсэн, зөвлөгөө гэхийнмуу, өөрийнх нь түүхийг хуваалцах зорилгоор энэ постоо бичиж байна. Тэр зүйлүүд нь миний хувьд so inspirational байж, намайг идэвхгүй төлөвөөс идэвхтэй рүү түлхэх товчлуур байлаа л даа :)
Энэ хүн хүний нөөцийн чиглэлээр мэргэжил эзэмшээгүй байж энэ салбарт ийм амжилттай яваа нь энэ хүн тасралтгүй суралцаж өөрийгөө хөгжүүлснийх юм билээ.
Хамгийн сонирхолтой нь энэ хүн, өдөр бүр тухайн өдөр юу сурсан талаараа 200 үгэнд багтаасан имэйл багынхандаа явуулдаг гэнэ ээ. Тэгээд бас өдөрт 2 номтой ажилдаа ирдэг, Старбакс орж кофе уунгаа нэг номоо 20 мин, нөгөө номоо 20 минут уншаад ажилдаа ордог. Зөвхөн ном гэлтгүй алхам тутамдаа суралцаж, сурсан зүйлээ бусадтай хуваалцдаг юм байна.
Амжилтынх нь нууц зүгээр л тасралтгүй суралцах.
Тэгээд хамгийн сүүлд бид нарт буюу залуу HR-уудад өгсөн зөвлөгөө нь:
1. Өөрийнхөө суралцах боломжоо нэмэгдүүлэх (Learning capacity)
2. Өөрчлөлтийн удирдлага (Change management)
3. Data capability (HR analytic) буюу өгөгдөл, статистикийн мэдээлэл уншиж чаддаг, ойлгодог байх.
Технологи гэх мэт олон хүчин зүйлээс хамаараад ажил, бизнес бүгд өөрчлөгдөж байгаа. Тийм болохоор өөрчлөгдөх чадвартай байх, дээрээс нь бусдыг өөрчлөгдөхөд туслах нь HR-уудын гол ажил. Яагаад гэвэл хүмүүс өөрчлөгддөггүй. бусдыг өөрчлөх гэдэг хэцүү, бараг боломжгүй. Гэхдээ хүний нөөцийн салбарын гол ажил бөгөөд сорилтуудын нэг нь энэ болоод байна.
Миний бодлоор эдгээр чадварууд зөвхөн хүний нөөц гэлтгүй бүх хүмүүст ялангуяа залуу хүмүүст хамаатай байх. Яагаад гэвэл өөрчлөлтийн менежмент маш чухлаар яригдаж байгаа бөгөөд хийж байгаа ажил чинь өдөр, сар ирэх бүр өөрчлөгдөнө, энэ бүрт өөрийгөө хөгжүүлээд хоцрохгүй явах нь чухал. Дээрээс нь өөрчлөгдөх чадвар тухайн байгууллагын амжилтын нууц болоод байна.
Жишээ нь: Хэдхээн жилийн өмнө, Nokia, HTC хүчтэй байсан бол одоо Apple Samsung байна. Тэдний амжилтын болон амжилтгүй байдлын нууц нь уян хатан байдал буюу орчиноо дагаж хурдан өөрчлөгдөх чадвар гэж дүгнэдэг юм билээ.
Бас ойрын ирээдүйд гар утас болон нөтбүүкний салбар тийм ч сайн байхгүй бөгөөд IoT буюу Internet of Things -ийн эрин үе ирж байгаа гэсэн.
Notebook-ний салбар сайн биш байгааг бол ойлгож байна, ухаалаг утсаараа бүх зүйлийг хийчихэж байгаа учраас. Харин гар утасны салбарын уналтыг одоогоор төсөөлж чадахгүй байгаа ч Apple одоо сорилтын үе дээрээ явааг сонсоод бас тийм ч хол биш л байгаа болтой.
Энэ лекцээс хойш юу сурсан бүхнээ ямар нэг байдлаар хуваалцаж байхаар шийдсэээн :)
Хэдэн 7 хоногийн өмнө Африкийн хоёр орны соёлын өдөрлөгт очсон. их сонирхолтой улсууд байна лээ. Удахгүй тэдгээр улсуудын талаар, бас Монголд болон Тайваньд мастерт суралцахын ялгааг бичнэ гэж бодож байгаа. Тиймээс stay tuned.
Т. Энхбаяр
2016.05.21
No comments:
Post a Comment